منتديات زمردة

الـسلام علـيـكـم ورحـمة الله وبـركاته

لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم

أهــــــــــــــــــلا ً وسهــــــــــــــــلا


    الفراق

    شاطر

    nabila
    المدير العام للمنتدى
    المدير العام للمنتدى

    عدد المساهمات : 4660
    نقاط : 6804
    تاريخ التسجيل : 22/11/2009
    الموقع : منتديات الزمردة

    الفراق

    مُساهمة من طرف nabila في الثلاثاء مارس 02, 2010 5:45 am

    هاذ الدنيا تفـــــارق وتلاقي........... مــرة تجيــــــب ومرة تـــدي

    واحـــــد فيـــــنا ماهو لاقي........... روحـو وراحتو فالدنيا هاذي

    عارف راكي حابة تفــارقي................ مــــــاهوغرضك ولا غرضي

    فاهمك ماشي حتى تنطقي ................... و بـــالمكتوب رانــي راضي

    المهم خرّجتـلك كـل وراقي................. حبيـــــتك و مديـــــتـلك يــدي

    انتي الي بغيــــــــتي تتلقي............. الله غالب ماجاتش من عندي

    فالآخر انا خـرجـــــت نـقي............. صافي وافي وفيـــت بوعدي

    ما رحت غـربي ولا شـرقي................ حبيتك وحدك وكـــنت وحدي

    عملت كل مـــــاهو شـــاقي............ على جـــــال بــــــاش تقعدي

    باش طريقك يكون طـريـقي................ وولادك نشالله يكونوا ولادي

    كنت حاسبك ليـــا تصــدقي............. لمــــا كنـــــت فيـــا توعدي

    عارف ماقدرتيش اتـــطبقي............... معليش روحي راني راضـي

    بصح نظن بلي مــــن حـقي.............. نعرف علاش بغيـــتي تغدي

    وتخليــــني عمـــري البـاقي............ نكملـــو وحــدي هايـم وحدي

    اذا كــــــان المشكـــل رزقي.......... مــــــا تقنعتيــــش بلي عندي

    نقولك هــاذي حاجت خالقي............... والرزق عمـــرو كــان بيدي

    انا وحــــــدي درت طـريقي............. مـــــــاخلاوليش بويا وجدي

    نحب نجيب الحــاجة بعرقي.................. او واش كتبلــــي ربــي ندي

    بغيتي تطيري روحي اسبقي.................. انــــا نمشي غير في غرضي

    من قلبي نتمنـــالك تلحـــقي............ وتعيشي ميــــات سنــة بعدي

    وتلقاي كامل واش تسحقي................. ويد وحدوخرا خير من يدي

    بصح نظن بلّــــي من حقي.............. نخــــاف عليك مالدنيا هاذي

    دنيا فيـــــها السعـيد الشاقي........ تتنكتــــب فيك نهــار تتولدي

    ما فيهاش قاع واش تسحقي.............. وقليــل فيها الي مات راضي

    الدنيا الي تفـــــارق وتلاقي ......... مرة تجيـــــــب ومــــرة تدي

    مرة تلايم النـــاس وتــلاقي........... وهاذ المــرة خلاتني وحدي

    وحدي غارق بيــن وراقـــي........... نكتب ونخمم ونجيب او ندي

    ونكتب في نهـــأيـــة عشقي ......... الي خلاصت بدمـــــعة فخدي

    والله نقولك كــان تصــدقي......... ماغاضنيش كي بغيتي تبعدي

    غاضني حبي ليــك وصدقي ............ وشا فوتت معـــاك يا وعـدي

    عليها بعثتـلك زوج وراقي........ قلت بلاك تفهـــــمي قصدي

    بلي مابكيتش أنا من عشقي.......... وما سالتش الدمعة من خدي

    با ش تحني عليـــا وتشفقي........... خاطر انت الي راكي تغـيضي

    كتبتلك غير بـــــــاش تفيقي........ وتشكري ربي أو تحمــــدي

    تأليف فيصل كرشوش


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]

    smail ahmed
    عضو مبدع
    عضو مبدع

    عدد المساهمات : 360
    نقاط : 467
    تاريخ التسجيل : 27/02/2010

    رد: الفراق

    مُساهمة من طرف smail ahmed في الثلاثاء مارس 02, 2010 8:54 am

    ذات مساء كانت تنسج ملاءة طهر..وصوت المطر ينقر النافذه..وضعت راسي المثقل على صدرها حتى تأوي روحي لرشدها وتسكنها

    nabila
    المدير العام للمنتدى
    المدير العام للمنتدى

    عدد المساهمات : 4660
    نقاط : 6804
    تاريخ التسجيل : 22/11/2009
    الموقع : منتديات الزمردة

    رد: الفراق

    مُساهمة من طرف nabila في الثلاثاء مارس 02, 2010 11:35 am

    ميكي


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]

    رفيق
    عضو اداري

    عدد المساهمات : 607
    نقاط : 730
    تاريخ التسجيل : 01/02/2010
    الموقع : http://lymoha2.ibda3.org

    رد: الفراق

    مُساهمة من طرف رفيق في الأربعاء مارس 03, 2010 11:05 am

    جميل جدا


    شعر مؤثر و عبارات غاية في من الجمال


    مشكورة جزيل الشكر

    عزة شموخي
    من نجوم المنتدى
    من نجوم المنتدى

    عدد المساهمات : 1630
    نقاط : 2061
    تاريخ التسجيل : 20/12/2009
    العمر : 35

    رد: الفراق

    مُساهمة من طرف عزة شموخي في الخميس مارس 04, 2010 3:22 am

    :ebe[1].: :ebe[1].: :9219ff9[1].: :9219ff9[1].:

    lyes
    المدير العام للمنتدى
    المدير العام للمنتدى

    عدد المساهمات : 2778
    نقاط : 3272
    تاريخ التسجيل : 12/09/2009
    العمر : 49
    الموقع : http://lymoha2.ibda3.org

    رد: الفراق

    مُساهمة من طرف lyes في الأحد مايو 02, 2010 2:18 am

    شكرا نبيلة لاختيارك وهذا يبين انه ذوقك فعلا رفيع جميلة فعلا ...تقبلي خالص تحياتي والله يوفقك

      الوقت/التاريخ الآن هو السبت ديسمبر 10, 2016 1:25 pm